ನಮ್ಮವಳು

ನಿನ್ನ ತುಟಿಯಂಚಿನಲಿರುವ ಆ ನಗುವ

ನಿನ್ನ ಕಣ್ತುಂಬ ಕವಿದಿರುವ ಆ ನೋಟವ

ನಿನ್ನ ಕೊಸರುವುಸಿರಿನಲಿರುವ ಆ ಸ್ಪರುಷವ

ನೆನೆದು ನೆನೆದು ನಡೆಸಿರುವೆನ್ನ ಜೀವನವ

**********

ನೀನು ಪಸರಿಸಿದ ಪ್ರೀತಿಯ ಪಿಸುಮಾತುಗಳನು

ಭಾವನೆಗಳಿಂದಲಂಕರಿಸಿ ಮನಸಿನಿಂದಾಲಿಸುವೆನು

ನೀನು ತೋರಿದ ಸರಸವಿರಸಗಳ ಸಾನಿಧ್ಯವನು

ಅರಿತು ಬೆರೆತು ಎದೆಯಾಳದಿಂದ ಆಲಂಗಿಸುವೆನು

**********

ನೀನೇ ನಮ್ಮ ದನಿಯು ಸ್ವರ ಸಂಗೀತದಲೆಯು

ನೀನೇ ನಮಗೆ ಬೆಳಕು ಬೆಳಗಲಿರುಳಲೂ ಬದುಕು

ನೀನೇ ನಮ್ಮ ಉಸಿರು ನಮ್ಮ ಅಸ್ತಿತ್ವದ ಹೆಸರು

ನೀನೇ ನಮಗೆ ಮೋಕ್ಷವು ಅನಂತಾನಂತಾನಂದವು